āñjanēyō mahāvīrō hanumān mārutātmajaḥ|
tattvajñānapradaḥ sītādēvīmudrāpradāyakaḥ||1||

aśōkavanikācchēttā sarvamāyāvibhañjanaḥ|
sarvabandhavimōktā ca rakṣōvidhvaṃsakārakaḥ||2||

paravidyāparīhartā paraśauryavināśakaḥ|
paramantranirākartā parayantraprabhēdakaḥ||3||

sarvagrahavināśī ca bhīmasēnasahāyakṛt|
sarvaduḥkhaharaḥ sarvalōkacārī manōjavaḥ||4||

pārijātadrumūlasthaḥ sarvamantrasvarūpavān|
sarvatantrasvarūpī ca sarvayantrātmikastathā||5||

kapīśvarō mahākāyaḥ sarvarōgaharaḥ prabhuḥ|
balasiddhikaraḥ sarvavidyāsampatpradāyakaḥ||6||

kapisēnānāyakaśca bhaviṣyaccaturānanaḥ|
kumārabrahmacārī ca ratnakuṇḍaladīptimān||7||

cañcaladvālasannaddhō lambamānaśikhōjjvalaḥ|
gandharvavidyātattvajñō mahābalaparākramaḥ||8||

kārāgṛhavimōktā ca śṛṅkhalābandhamōcakaḥ|
sāgarōttārakaḥ prājñō rāmadūtaḥ pratāpavān||9||

vānaraḥ kēsarīsūnuḥ sītāśōkanivāraṇaḥ|
añjanāgarbhasambhūtō bālārkasadṛśānanaḥ||10||

vibhīṣaṇapriyakarō daśagrīvakulāntakaḥ|
lakṣmaṇaprāṇadātā ca vajrakāyō mahādyutiḥ||11||

cirañjīvī rāmabhaktō daityakāryavighātakaḥ|
akṣahantā kāñcanābhaḥ pañcavaktrō mahātapāḥ||12||

laṅkiṇībhañjanaḥ śrīmān siṃhikāprāṇabhañjanaḥ|
gandhamādanaśailasthō laṅkāpuravidāhakaḥ||13||

sugrīvasacivō dhīraḥ śūrō daityakulāntakaḥ |
surārcitō mahātējō rāmacūḍāmaṇipradaḥ||14||

kāmarūpī piṅgalākṣō vardhimainākapūjitaḥ|
kabalīkṛtamārtāṇḍamaṇḍalō vijitēndriyaḥ||15||

rāmasugrīvasandhātā mahirāvaṇamardanaḥ|
sphaṭikābhō vāgadhīśō navavyākṛtipaṇḍitaḥ||16||

caturbāhurdīnabandhurmahātmā bhaktavatsalaḥ|
sañjīvananagāhartā śucirvāgmī dhṛtavrataḥ||17||

kālanēmipramathanō harimarkaṭamarkaṭaḥ|
dāntaḥ śāntaḥ prasannātmā śatakaṇṭhamadāpahaḥ||18||

yōgī rāmakathālōlaḥ sītānvēṣaṇapaṇḍitaḥ|
vajradaṃṣṭrō vajranakhō rudravīryasamudbhavaḥ||19||

indrajitprahitāmōghabrahmāstravinivārakaḥ|
pārthadhvajāgrasaṃvāsī śarapañjarahēlakaḥ||20||

daśabāhurlōkapūjyō jāmbavatprītivardhanaḥ|
sītāsamētaśrīrāmapādasēvādhurandharaḥ||21||

||iti śrī āñjanēyāṣṭōttaraśatanāmastōtraṃ sampūrṇam||