Jun 282017
 
 June 28, 2017  Ganesha Slokas  Add comments
॥Siddhivinayaka stotram॥

jayo'stu te gaṇapate dehi me vipulāṃ matim ।
stavanam te sadā kartuṃ sphūrti yacchamamāniśam ॥ 1॥



prabhuṃ maṃgalamūrtiṃ tvāṃ candrendrāvapi dhyāyataḥ ।
yajatastvāṃ viṣṇuśivau dhyāyataścāvyayaṃ sadā ॥ 2॥

vināyakaṃ ca prāhustvāṃ gajāsyaṃ śubhadāyakam ।
tvannāmnā vilayaṃ yānti doṣāḥ kalimalāntaka ॥ 3॥

tvatpadābjāṅkitaścāhaṃ namāmi caraṇau tava ।
deveśastvaṃ caikadanto madvijñaptiṃ śṛṇu prabho ॥ 4॥

kuru tvaṃ mayi vātsalyaṃ rakṣa māṃ sakalāniva ।
vighnebhyo rakṣa māṃ nityaṃ kuru me cākhilāḥ kriyāḥ ॥ 5॥

gaurisutastvaṃ gaṇeśaḥ śṝṇu vijñāpanaṃ mama ।
tvatpādayorananyārthī yāce sarvārtha rakṣaṇam ॥ 6॥

tvameva mātā ca pitā devastvaṃ ca mamāvyayaḥ ।
anāthanāthastvaṃ dehi vibho me vāṃchitaṃ phalam ॥ 7॥

lambodarasvam gajāsyo vibhuḥ siddhivināyakaḥ ।
herambaḥ śivaputrastvaṃ vighneśo'nāthabāṃdhavaḥ ॥ 8॥

nāgānano bhaktapālo varadastvaṃ dayāṃ kuru ।
sindūravarṇaḥ paraśuhastastvaṃ vighnanāśakaḥ ॥ 9॥

viśvāsyaṃ maṅgalādhīśaṃ vighneśaṃ paraśūdharam ।
duritāriṃ dīnabandhūṃ sarveśaṃ tvāṃ janā jaguḥ ॥ 10॥

namāmi vighnahartāraṃ vande śrīpramathādhipam ।
namāmi ekadantaṃ ca dīnabandhū namāmyaham ॥ 11॥

namanaṃ śambhutanayaṃ namanaṃ karuṇālayam ।
namaste'stu gaṇeśāya svāmine ca namo'stu te ॥ 12॥

namo'stu devarājāya vande gaurīsutaṃ punaḥ ।
namāmi caraṇau bhaktyā bhālacandragaṇeśayoḥ ॥ 13॥

naivāstyāśā ca maccitte tvadbhaktestavanasyaca ।
bhavetyeva tu maccitte hyāśā ca tava darśane ॥ 14॥

ajñānaścaiva mūḍho'haṃ dhyāyāmi caraṇau tava ।
darśanaṃ dehi me śīghraṃ jagadīśa kṛpāṃ kuru ॥ 15॥

bālakaścāhamalpajñaḥ sarveṣāmasi ceśvaraḥ ।
pālakaḥ sarvabhaktānāṃ bhavasi tvaṃ gajānana ॥ 16॥

daridro'haṃ bhāgyahīnaḥ maccittaṃ te'stu pādayoḥ ।
śaraṇyaṃ māmananyaṃ te kṛpālo dehi darśanam ॥ 17॥

idaṃ gaṇapatestotraṃ yaḥ paṭhetsusamāhitaḥ ।
gaṇeśakṛpayā jñānasidhdhiṃ sa labhate dhanam ॥ 18॥

paṭhedyaḥ siddhidaṃ stotraṃ devaṃ sampūjya bhaktimān ।
kadāpi bādhyate bhūtapretādīnāṃ na pīḍayā ॥ 19॥

paṭhitvā stauti yaḥ stotramidaṃ siddhivināyakam ।
ṣaṇmāsaiḥ siddhimāpnoti na bhavedanṛtaṃ vacaḥ
gaṇeśacaraṇau natvā brūte bhakto divākaraḥ ॥ 20॥

iti śrī siddhivināyaka stotram ।

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)